სტენლი კუბრიკის წერილი ინგმარ ბერგმანს

stanley-kubrick

ძვირფასო, ინგმარ

     თქვენ, რა საკვირველია, საკმარისი აღიარება და წარმატება გხვდათ წილად მთელი მსოფლიოს მასშტაბით და შესაძლოა, ჩემი ეს წერილი სრულიად ზედმეტია… მაგრამ,  რაც არ უნდა იყოს, მე, როგორც კოლეგამ, უნდა შეგაქოთ და გამოვთქვა ჩემი მადლიერება იმ არაამქვეყნიური და ფასდაუდებელი წვლილისთვის, რაც თქვენი ფილმების სახით გაიღეთ სამყაროსთვის (შვედეთში არასდროს ვყოფილვარ და ამიტომაც, თქვენი თეატრალური შემოქმედების ნახვის სიამოვნება არ მქონია).

     ყოფიერების თქვენეულმა ხედვამ ძალიან ღრმად შემძრა,  იმდენად ღრმად, რომ ასე არასდროს არავის ფილმს უმოქმედია. მჯერა, რომ დღევანდელობის უდიდესი კინორეჟისორი ხართ. ამას გარდა, ნება მომეცით აღვნიშნო, რომ თქვენ ვერავინ შეგედრებათ განწყობისა და ატმოსფეროს შექმნაში, დახვეწილ შესრულებასა და არაბანალურობაში, დასრულებულ და სიმართლით სავსე პერსონაჟების შექმნის ხელოვნებაში. ამ ყველაფერს უნდა დაემატოს ისიც, რაც უშუალოდ ფილმის შექმნას ეხება. ასე მგონია, პირდაპირ დაგაჯილდოვეს მსახიობთა შესანიშნავი გუნდით. მაქს ფონ სიდოუ და ინგრიდ ტულინი ისე მკაფიოდ ცხოვრობენ ჩემს მეხსიერებაში.. და კიდევ ბევრი სხვა მსახიობი თქვენი ფილმებიდან, რომელთა სახელებიც უბრალოდ გონებიდან ამომივარდა. წარმატებას გისურვებთ თქვენ და ყველა მათგანს და  თითოეულ ფილმს მოუთმენლად დაველოდები.

საუკეთესო სურვილებით,

სტენლი კუბრიკი

9 თებერვალი, 1960

თარგ. ნინო დოლიაშვილი

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s